广州人食也“包容”

2014-06-13来源 : 互联网

新闻讲:广州亚运精神**,其中包括了广州人海纳百川的包容精神。

阿六讲:包容的确系广州人嘅传统美德,小弟认为,呢个精神唔系单一表现出来嘅,而系一个综合体现。都话食在广州,我哋不妨从“食”呢个方面睇下广州人嘅包容。

讲到食,广州人当然唔少得白切鸡、红烧乳鸽、清蒸桂鱼、虾饺烧买等本地名菜,但系识饮识食嘅广州人又点会*沽一味呢?

事实上,广州人嘅饮食特点,徐咗讲究食得“鲜”外,仲讲食得“广”,呢个“广”其实就系包容喇,只要好食、抵食,话知你酸、甜、苦、辣喇。

小弟楼下有家川菜馆,傍晚门口长期都坐满卜位嘅人等食水煮鱼,而且大部份都系本地人,因为抵食——30几蚊一大盆草鲩,又因为好食——麻辣。而同一路面上一间天津“鸡汁包”嘅档口号仔,早上同样系人山人海,紧系喇,5毫纸一个,好食过广东叉烧包。

就系呢种饮食上嘅“包容”,造就咗广州满街满巷都系“川菜”、“湘菜”、“江西煨汤”、“桂林米粉”、“沙县小食”。

喺一个有咁深厚本地饮食文化嘅城市里,可以容纳咁多外地食肆,恐怕国内都唔会多。小弟去过外地唔少城市,好多饮食方面都系俾本地“*食”,外地饮食好难成行成市立足,比如西南某市,周街都可以闻到麻辣香味,但你想食餐正宗粤菜,就冇咁易。

外地菜喺广州做到风生水起,当然同外地人多有关,但*大功劳仲系归功于“乜都食番餐”嘅广州人。

标签: 广州人,饮食

渝ICP备2024022750号-1

Copyright©2004-2024 3158.CN. All Rights Reserved 重庆市上台九悟酒销售有限公司 版权所有

3158招商加盟网友情提示:投资有风险,选择需谨慎