旧时嗰碗云吞面

2016-03-25来源 : 互联网

  云吞面系广州*亲民嘅小食。其一,佢到处都可以揾到,无论街头小店定系茶楼、酒店,可谓无处不在;其二,佢源远流长,无论白须公定细路哥都食过,有唔少共同话题,唔存在“代沟”。细个阵时,每次出街,我经常会叫大人帮我买碗云吞面,嗰阵时一蚊几豪就有一碗,虽然份量唔多。老人家话,“有*食盒仔饭,冇*食云吞面”,不过家阵,云吞面有时亦唔平,一碗鲜虾云吞面足可以食两个盒饭。

  广东其实*盛产稻米,而唔系小麦,所以大部分本地人日常主食都亦米食为主,而唔系面食,云吞面可以话系一个例外。据资料话,云吞面*早系明末清初,起源于广州西关一带,原本系一个湖南人做出来嘅。旧阵时,小贩担住云吞沿街叫卖,中意嘅,攞只碗仔就喺街边食返碗。食嘢嘅环境虽然唔够高大上,比唔上今日嘅茶楼。不过老人家话,*大嘅优胜之处,就系嗰时**唔使担心食品安全嘅问题,就算街头担挑档,佢嘅云吞亦可以放心食用,唔担心猪肉馅料是否新鲜,是否掺假。不过今时今日,街头叫卖嘅大肉云吞,确实唔敢随便食。

  香港嘅云吞面亦好出名,佢亦系从广州传过去嘅。不过,依家食落,香港出品嘅云吞面比广州嘅,更接近旧阵时嘅味道,肉味纯正,虾味新鲜,估计跟食材嘅讲究,亦有好大关系。

渝ICP备2024022750号-1

Copyright©2004-2024 3158.CN. All Rights Reserved 重庆市上台九悟酒销售有限公司 版权所有

3158招商加盟网友情提示:投资有风险,选择需谨慎