广州及第粥有段古

2016-04-24来源 : 互联网

古仔话,旧阵时有个卖菜仔,屋企穷到燶,有间粥店嘅老世就可怜佢,唔单止帮衬佢嘅菜,仲用剩低嘅肉生滚粥,免费俾佢食。后尾,个细路考中状元,衣锦还乡,当年佢食过嘅粥,就叫做“状元及第粥”。呢段时间,高考临近,有啲家长就带细路食“及第粥”,取个好意头。

及第粥,就好似佢背后嘅“状元”咁,喺广州众多生滚粥嘅杰出代表。粥,喺广州人嘅食谱中仅次于饭。生滚粥嘅*大特点,一系讲究“绵”,米要全化;二系讲究配料丰盛新鲜,鱼肉虾蟹,姜葱芫茜,都必不可少。相比之下,粤东粤西嘅白粥,唔需要煮到咁绵。佢哋嘅做法,多少显得简单平淡,难以满足广州人嘅味蕾。讲起粥,西关嘅伍湛记喺广州食粥嘅***。除此之外,好多街头小食铺,有时做嘅粥亦唔输蚀。我喺文明路中图对面,一间唔出名嘅铺仔,就食过佢嘅及第粥、艇仔粥,用煲仔生滚,烟气蒸腾,香气扑鼻

广州有句俗话,“食粥食饭就睇你啦”,听落去,“粥”好似好唔掂咁。粥,确实系贫穷年代嘅一种主食。但今时今日,大鱼大肉反而唔新鲜,一碗清淡和味嘅靓粥,反而更受欢迎。而且,浓与淡、丰与俭,想点就点,**取决于阁下嘅口味。一碗粥,进可攻,退可守,无论是否要考状元,做人系咪都要咁呢?

渝ICP备2024022750号-1

Copyright©2004-2024 3158.CN. All Rights Reserved 重庆市上台九悟酒销售有限公司 版权所有

3158招商加盟网友情提示:投资有风险,选择需谨慎