[穿粤时光]12月华农大学单车导赏活动圆满结束!

　　12月份穿粤时光同省城风物合作嘅华农大学单车导赏活动圆满结束，2015年嘅*后一次导赏画上句号。幸好当日气温唔冷唔热，阴天多云，好适合约埋成班朋友一齐户外踩单车，唔讲唔知，原嚟我地嘅嘉宾入边，有好多人踩单车都好劲！今次现场花絮点架？咪心急啦，睇落去咪知咯！

　　*先梗喺例牌嚟张大合照啦，睇下个个笑到见牙唔见眼，唔知嘅，仲以为我地执到宝添。
　　踩车大军碌过华农！　　Jessie我唔会话畀你地知，虽然车碌扁晒，但喺佢地踩得快！　　终于见到华农嘅牛牛出嚟食早餐啦！　　中山大学农学院院长丁颖嘅故居。　　嚟到华农，点可以少咗饮酸奶咧？！
　　华农大学入边山清水秀，景致如画！　　叶蛇企到好高同各位嘉宾讲解，话说你地有无见到佢？　　省城风物嘅建筑结构师柯布讲解华农入边啲建筑结构，阿姨好认真咁做笔记。
　　踩住部单车嘅叶蛇，春风得意！　　步履轻盈嘅佢，唔知喺咪响植树亭挖到**万两咧？　　排排坐，大家就似坐系大学课堂咁，听古仔！　　嚟到杀虫植物标本园，嘉宾静鸡鸡影相！　　天文台，图书馆，勾起咗嘉宾嘅儿时回忆，背后好多鲜为人知嘅古仔，真系要参加过我地导赏先知架！

　　说在后面的话　　2015年，我哋一共举行咗11次导赏。对于导赏嘅形式，我哋亦都一直喺度尝试、学习、创新中，希望可以将呢个咁有意义嘅文化活动，以更加平易近人嘅方式带到更多人嘅身边。而更加庆幸嘅系，喺呢个过程中，一路都有你哋陪住我哋共同成长。2015年已经逐步走向尾声，但系，对于“穿粤时光”嚟讲，将会意味住走向一场**嘅开始。我哋，2016年再见！